SUN微博：愛很簡單：來簡約地愛多八十年
正當個個內地糞青遊行砸車反日，一位心水清嘅網民就提出創意無限嘅抗日手法，就係睇AV！
據統計，日本AV工業年產總值逾千億元，堪稱色情大國，內地網民每非法下載一百部愛情動作片，就等於打劫日本二萬三千元，完全就係經濟犯罪，手法仲高明過國際炒家索羅斯，事關唔會畀人封殺之餘，自己又可以做愛做的事。愛國，唔一定要去天安門睇扯國旗，喺屋企扯另一支旗其實效果一樣。呢場經濟諜戰曠日持久，勝利一定係屬於強國！因為島國只有一億人口，同天朝十三億人鬥精力多，簡直係以卵擊石！當經濟進一步衰退，日本步兵就會無心戀戰、人浮於事：「東京很熱，不知道天國的金八先生仍好嗎？很想去加勒比海度假呢。」內地網民總結得好：「愛國，就是這麼簡單。」
