美國奧運經典金牌泳手、有「水怪」之稱嘅史畢茲來港，尋日出席保健產品活動時，被問到對於今屆中國奧運金牌泳手孫楊同葉詩文有乜睇法，佢話有留意佢哋嘅動向，仲為葉詩文嘅負面新聞抱不平，佢話：「佢冇服食禁藥，佢係清純，唔明點解咁多負面新聞喺佢身上。游泳唔同花式溜冰，游出嚟係事實，唔使評判評分，每個人都可以有『水怪』之稱。」另外，佢仲大讚孫楊游得出色添！
有「水怪」之稱嘅史畢茲大讚孫楊游得出色。
