政壇：政商定格：CY孝順女偕靚媽睇戲

話說前日喺ifc撞到特首夫人梁唐青儀同囡囡頌昕行孖咇睇戲，身邊冇保鏢相陪。兩母女首先去戲院旁嘅咖啡店食一個輕巧下午茶，再過隔籬搭電梯落戲院睇一級卡通片，散場時兩母女有傾有講，唔知係咪仲回味緊劇情呢？食完嘢又睇完戲，當然唔少得女人最鍾意嘅行街Shopping，佢哋入咗間時裝店，但似乎冇乜斬獲，行咗一陣就出番嚟。

至於不時以短褲示人嘅頌昕，前日以黑色束腰上衣配白色短褲，青春無敵，落戲院嗰陣，仲搞到喺側邊落緊電梯嘅兩個男生忍唔住轉身望多眼。

第一手消息請下載on.cc東方互動iPhone/iPad/Android/Windows Phone Apps

頌昕同媽咪飲完下午茶再睇戲。

頌昕殿後「搣飛」，隔籬行嘅男生眼望望。