泛民主派同建制派都爭住攞立法會超級區議會最後一席，就喺呢個時候，突然有報道話工聯會呼籲佢哋喺九龍西嘅會員，過票畀建仔候選人李慧琼。
工聯會候選人陳婉嫻尋日拉埋工聯會新界西候選人麥美娟扮車衣女工，到工廠大廈親手車咗件背心嚟着，帶出扶助成衣業，鼓勵設計師推出自己品牌嘅訊息。問到過票建仔一事，嫻姐即時嬲爆，質疑有人冒認工聯會打電話叫會員支持第二個，強調佢哋唔會推薦其他候選人。
此外，工聯會尋日去信有線電視同選管會，投訴有線選舉論壇主持唔公道，冇畀足夠時間候選人回應。
嫻姐（中）同麥美娟（左）扮車衣女工宣傳，右為女設計師Aries。
