80後盼增建居屋

【本報訊】近期樓價急升,政府出招為樓市降溫,由「結婚等到仔都生埋」仍未抽到居屋的80後青年梁業鵬表示,最希望政府可以增建居屋,協助他們置業,解決住屋問題。

梁業鵬表示,他與妻子兩人的入息超過公屋入息上限,但申請居屋三、四年,仍買不到樓,眼見樓價愈升愈高,購買私樓肯定無望,他認為政府更改置安心資助房屋計劃是好事,但希望政府可以多做一步,加建居屋,「政府既然可以將工廈改建公屋,咁不如考慮吓將工廈改建居屋出售,咁樣可以幫到我哋置業!」他打算明年初透過白表免補地價購買二手居屋,希望政府今次出招後,樓價可平穩發展,二手居屋樓價不會再「係咁升」,令他可成為業主。

政府宣布推出多項穩定樓價招數,不少網民均表示支持。網民小妍妍說:「好過唔做,其實政府都幾難做!推低樓市又驚啲葉(業)主上街,但唔郁佢又係咁炒升!」網民ume則認為措施實際用途雖然不大,但相信可以為樓市降溫,「等啲市民唔好恐慌性入市!」另有網民CanoninD則對政府抱有希望,預料有關招數會再陸續推出。

第一手消息請下載on.cc東方互動iPhone/iPad/Android/Windows Phone Apps

梁業鵬(戴帽者)希望政府可加建居屋,令更多人可以成為業主。(資料圖片)