SUN微博：廢院士周一鑊
周一鑊將獲香港大學頒授名譽大學院士，除了令飽受前朝醫醫相衞所害的病人及家屬跌破眼鏡外，更令各方奇人異士紛紛現身，促請依同此例，按其不學無術成就，爭取成為院士。此情此景，令人不禁想起《食神》中關於食屎學位的描寫，簡直令人笑中有淚。無他，眼見香港莘莘學子為讀書揹上大筆學債，甚至要面對內地生優先選科，大概食屎還會比較乾脆一點。再加上如此廢院士……唉，你自己睇吧啦。
如果周一鑊都得，佢哋都可以……
「世紀賊王」張子強生前因九一年啟德機場劫案重囚18年，其後竟無罪獲釋，玩弄香港法律於股掌之間，直頭有資格做法律學院院士。佢一次勒索到嘅贖金有成十億，破埋當時世界紀錄，仲唔係商學院院士？
以AK47自動步槍「名震」江湖嘅悍匪葉繼歡正在服刑，佢仲因○九年用筆插傷懲教員加監添。不過佢唔係喺○四年信主受洗懺悔咩？信咗教都咁暴力，睇嚟呢個另類神學院院士亦非佢莫屬。
《食神》之大學亂咁嚟……
