政壇：甄文星幫親中公司打工
泛民主派喺利益申報事宜立立亂，有打正旗號嘅泛民功能界別候選人，亦被揭發疑似同親中人士過從甚密，講緊嘅係代表泛民出戰金融服務界嘅Frankie甄文星。有人放料話，喺候選人簡介報稱係「企業融資董事」嘅佢，本身係新華匯富融資董事，再三查證後發現新華匯富金融集團主席，原來就係中華總商會會長蔡冠深。
Frankie尋日話喺去年十月開始喺新華匯富打工，工作性質好似「半自僱」，會同公司拆帳。對於有人質疑佢有泛民背景，但喺親中人士嘅公司打工，佢認為兩者冇乜關係，又話自己加入公司約一年，夾埋只係見過蔡冠深兩個鐘，分別係農曆新年同周年晚宴各一個鐘喎。同界別嘅候選人仲有鄧予立、張華峯、林德明同李君豪。
甄文星