SUN微博：拗直嚟講：不成智便成仁

繼黃成智論盡剩女，稱剩女「為增加性伴」，顛覆港人對剩女的既有想像後，又再被揭政綱要求政府為同性戀者提供「拗直」服務。小編本想派膠了事，就似其同黨鐵頭仁一樣，但既然之前有個林以勒定係以諾牧師都話同性戀係罪，咁要多嘴吓喇。

當然選舉時節，逢親有咩事，叫政府「提供適切的支援」一定無死。其實小編都同意政府要做嘢o架，不過呢，最好有埋為脫離各種宗教呀、興趣呀、習慣呀、小動作呀、口頭禪等等的「適切支援」。咁樣做，就perfect池喇。因此小編嚴正要求，政府要為我脫離「一夫一妻、一男一女」生活，提供同樣「適切支援」。喂，認真o架我！

黃成智參選立會新界東議席，參選名單還包括劉慧卿、陳志全、梁國雄、葛珮帆、葉偉明、龐愛蘭、田北俊、湯家驊、張超雄、蔡耀昌、范國威、邱榮光、方國珊、何民傑、梁安琪、陳國強及龐一鳴名單。