好多名人嘅仔女都喺外國升學，保良局總理Daniel陳正欣喺多年前都特意安排大女Laverna入讀瑞士日內瓦嘅國際學校，其後轉到美國南加州大學繼續升學，依家修讀傳理系二年級。Laverna早前放暑假返港，喺一個活動度見佢已長得亭亭玉立，仲高過媽咪Angel。
Daniel話好鼓勵家長畀小朋友多讀幾間唔同地區嘅學校，接觸多國文化，增加對學習嘅熱誠。Laverna志願係喺公關界大展拳腳，Daniel兩公婆都話支持。
陳正欣（左一）同太太（右一）趁大女Laverna（左二）及細女放暑假，共享家庭樂。
