City Parade：百變壽星公
九巴後人雷禮權五十三歲生日，早前喺銅鑼灣一間酒店大搞「勁大娘」生日派對。壽星公帶頭扮嘢，變身國家元首、大明星、大肚婆等，一晚轉六個Look，逾百名賓客齊齊玩嘢，穿金戴銀、大紅大綠，有咁娘扮到咁娘，將派對推向高潮。另一邊廂，一個時尚首飾品牌舉行秋冬騷，以巴洛克搖滾風格為靈感，將水晶注入型格能量。
生日派對：
娘爆
雷禮權（右一）與太太利蘊珍（右二）、兒子雷正揚（左二）及女兒雷正殷（左）齊變身「娘爆家族」，引來嘉賓捧腹大笑。
扮嘢
賭王四太梁安琪（中）與兒子何猷君（左一）、名媛李桂蘭（左二）、名媛林李婉冰（右一）同囡囡林嘉寶（右二）花盡心思「扮娘」。
土氣
左起：莎莎千金郭詩慧與老公陳振邦、妹妹郭詩雅及細佬Patrick，齊將衣櫃內最娘最土嘅舊衫着上身到場。
鬥娘
型慣嘅九巴新抱雷林靜怡（左）呢晚同老公雷兆光（中）及著名時裝設計師鄭兆良（右）鬥娘一番。
稀客
鮮有露面嘅希慎興業董事利憲彬（中），與太太鄭兆崙（右）及女兒利善民（左）齊到賀。
輕鬆
飲食大亨湯聖明（右）同太太何明懿（左）放下拘束，加入「勁娘一族」。
水晶飾物展：
型爆
水晶可以戴得有幾型?看看名模姚書軼的演繹便有啟示。
閃爆
影星周慧敏戴上閃耀水晶項鏈及戒指，閃爍度不比真寶石差。
靚爆
青春無敵嘅名模陳嘉桓（左）與鍾浠文（右），戴上水晶都不顯老氣。