政壇：搞搞政：霍公子變身金牌推銷員
國家隊倫奧金牌運動員訪港三日，期間除咗同港人見面、示範表演外，亦趁到購物天堂嘅機會，逛商場掃貨。尋日有份接待運動員嘅港協暨奧委會會長霍震霆都話，希望運動員喺香港多購物，推動本港經濟，唔做立法會議員嘅霍公子唔通轉行做金牌推銷員？
啲運動員前日抵港後，夜晚就去咗shopping，尋日雖然忙咗大半日，但買吓心頭好、望吓香港景都可以兼顧，霍震霆盡地主之誼，更加鼓勵佢哋多消費，出到口為香港消費行業拉生意。
不過，講到運動員多消費，幫助推動本港經濟就真係有啲誇張，事關金牌運動員得嗰四十幾個，雖然佢哋人人收入不菲，更有超級丹林丹之類嘅廣告巨星在內，但佢哋嘅消費最多比一般遊客豪氣啲，推動經濟嘅力量就未必多得過幾個內地團。
設計圖片及對白