政壇:帶建仔下鄉張學明無「影」

九月選舉逼近,鄉事派同民建聯喺新界東、西兩大選區都爭個你死我活。身兼民建聯成員嘅鄉議局副主席張學明早就決定支持民建聯,搞到班鄉紳好不滿,鄉事派尋日就搞咗個造勢大會,為旗下邱榮光團隊打氣,獲幾百個村代表及鄉議局主席劉皇發嘅代表到場支持。邱榮光聲言,今次選舉贏唔到的話,政府施政就唔會再理新界人,所以係背水一戰,許勝不許敗喎。

雖然鄉事派講到出口話不滿張學明幫民建聯,但學明一於少理,近日不斷陪民建聯候選人梁志祥及陳恒鑌入鄉拜票,前日去完屏山鄉後,今日再到八鄉拜票。睇番尋日民建聯發出嘅拜票相,發現唔見學明喎,唔通係怕進一步激嬲班鄉紳?新界西候選名單仲有譚耀宗、郭家麒、麥美娟、麥業成、田北辰、梁耀忠、李永達、陳樹英、陳強、陳偉業、李卓人、曾健成、何君堯、陳一華。

第一手消息請下載on.cc東方互動iPhone/iPad/Android/Windows Phone Apps

邱榮光(左三)得到大批鄉紳支持。