政壇：白鴿打壓黨員縱容李漢奸

泛民政黨成日鬼打鬼，但表面上又假惺惺河蟹。三名民主黨（白鴿黨）資深黨員羅國強、陳德明同楊錚日前向全體黨員發出公開信，譴責外號「李漢奸」嘅創黨主席李柱銘再賣黨，公然為競爭對手公民黨（公文袋）拉票；三人前日仲去咗廉政公署舉報公文袋港島候選人陳家洛涉嫌冒認「教授」宣傳。不過，醜聞纏身嘅白鴿黨主席何俊仁（鐵頭仁），不但冇嚴懲李漢奸賣黨，尋日反而出聲明批評呢三位「良心黨員」。

白鴿黨開口埋口要求政府包容兼聽，不過，要求人叻，輪到自己就打壓異己、醜行罄竹難書。黨內少壯派同兩名資深黨員馮煒光及狄志遠相繼鬧翻。日前三位黨員發信怒斥李漢奸賣黨，分析吓都知，如果被公文袋同李漢奸假告急成功，白鴿黨候選人就分分鐘落選啦。

三名白鴿仔鬧完李漢奸之後，又去咗廉署舉報公文袋陳家洛，尋日鐵頭仁卻高調發聲明澄清三個人嘅行動同白鴿無關喎。件事係咪同白鴿與公文袋有秘密協議有關，政圈明眼人一目了然喇。超級區議會候選名單仲有陳婉嫻、劉江華、李慧琼、涂謹申、馮檢基及白韻琹。香港島候選名單仲有曾鈺成、鍾樹根、葉劉淑儀、王國興、劉健儀、勞永樂、吳文遠、許清安、吳榮春及何家泰。