SUN微博：打橫嚟講：教育香港下一代的責任人員

教育局高調開記者招待會，宣布成立咗「開展德育及國民教育科委員會」，請了行會成員胡紅玉擔任主席，而她也只是一個星期前獲邀任，所以唔夠時間去搵人埋堆喎！咁又唔係吖！這份二十三人委員會名單中，已答應埋位的，咪有十八人，其餘五位，教育局宣稱是「邀請中」。

哈！真笑死人，那五位「被邀請」的，早已大大聲話唔做政治花瓶，而拒絕入局的了！教育局仍死唔斷氣的話，講咩「我哋仍留空位置等待」，真癡情o架呢！

正所謂：道不同不相為謀。教育局呢個「國教科委會」，開宗明義說明係「開展××××」，即機器啟動咗，行緊矣！而那五名「被邀請」的人馬，則話明「先截停，再諮詢」，並奇怪為何之前多番邀請局長公開對話，都不回應，依家卻又請人做委員，咁兜轉嘅？

人家已回覆唔接受「被邀請」入局，教育局仍當眾開名話「邀請中」，是低莊手段。大佬！你哋搞教育o架！咁流o架！點叫啲家長放心將仔女交託畀你哋呀？

已答應咗做委員的一位前香港教育工作聯會副會長嘅小學校長梁兆棠，居然話至今從來無睇過那本桃起紛爭的《中國模式——國情專題教學手冊》，吓！事件擾攘咗幾個月，身為教育界大員都不聞不問，我真懷疑佢嘅教學精神和水平囉！

好可憐，佢乜都唔知，卻立即加入這個委員會，好得人驚呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：保釣男點睇蒼老師？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot