加國一名女子感染野鴿糞便的隱球菌因而致盲，香港白鴿結黨橫行，信「肛」雌黃，真係信佢一成，雙目失明！
俊人：重建一國兩制！
未盲人：重建一國兩制！
俊人：改善申報制度！
未盲人：改善申報制度！
俊人：抽獎無罪，派包有理！
已盲人：咦，點解我突然睇唔到嘢嘅？
俊人：唔……咁你仲睇唔睇到我漏報利益？
已盲人：睇唔到呀。
俊人：仲睇唔睇到我炒樓？
已盲人：都睇唔到呀。
俊人：見唔見到我派包？
已盲人：乜都見唔到呀。
俊人：恭喜晒！你雖然眼盲，但開咗心眼！
已盲人：真係信你一成，雙目失明！
（花生友如有對號入座，請食自己）
