SUN微博：成語畫廊：愚公移島
保釣勇士榮歸！雖然今次保釣講唔出咩大道理，但係見到政客接船抽水就非常之有親切感。不過，保釣船撞爛仲有三斤釘，畢竟今次登島都唔止拎返拃沙。講緊嘅，之唔係保釣勇士拎返來的釣島石頭囉。
你諗吓，如果不斷派人去釣島取石，持之以恒、水滴石穿、鐵柱成針……總之愈拎愈細、愈拎愈細，終至於無，實行寧為玉碎，不作瓦存！咁陰乾法，理你東京都、台灣要買島啦，要買？你來香港拍賣行買啦！
如果嫌咁做傷害民族感情，大不了咪喺維港中心重建返釣魚島，旁邊再整個釣蝦島都仲得，再吸引強國遊客甚至日本遊客登島，實在係一盤大生意。嘩，講講吓，其實都講出咗中國傳統愚公移山嘅大道理喎。
