SUN微博：強國人游水學者亂抽水
網絡世界實在有太多蠱惑嘢，譬如上面呢張圖咁，大家一見到強國人逼到死都要一齊游水，又覺得「蝗蟲」不可救藥喇。就好似某香港學者喺facebook度疑似批判，話「大陸人是對身邊環境和人際距離毫無感覺的一群蠻夷。」仲話青蛙蝌蚪都不會覺得舒服，但大陸人「臉上依然可以掛住愚昧的幸福之笑」，更話咁樣需要黨六十年的培育喎。
雖則呢啲就照例有人撐有人踩，但事實本身又係點呢？有認真到就快輸的網民，憑住人人都帶水泡呢個特徵，順藤摸瓜找出東京一個水上樂園，發現日本竟然都是強國！原來大家都係玩緊人工造浪池，用水泡先會食到多啲浪咁。Youtube上仲睇見日本人玩到we嘩鬼叫，睇怕幸福之笑愚唔愚昧，要睇吓地方咯。
中國
日本