政壇：搞搞政：執CY民生口水尾 張建宗自誇政績
日前特首CY梁振英宣布年撥十億元推行無障礙升降機嘅利民措施，勞工及福利局局長張建宗尋日就乘「無障礙勢頭」，即刻落咗去紅磡視察無障礙設施，仲不停為自己面上貼金，話佢個局範疇內嘅無障礙工程已完成咗九成，過去兩年做嘅改善工程仲好全面，唔單止標達完成，仲超晒標添！佢抄襲CY嘅說話，話民生無小事。
張建宗喺視察後好似數家珍咁講番佢個局嘅「功績」，話過去兩年佢哋用咗十三億元，六月尾前已喺三千五百個地方完成咗九成嘅無障礙工程，政府每個部門更加有一個無障礙主任，統籌無障礙工作。佢又話紅磡邨辦事處整咗低台櫃位畀殘疾人士用，又全面鋪設盲人引導徑等。唔知CY要唔要好似打完十號風球之後開表揚大會咁，請佢去禮賓府表揚吓呢？
設計圖片及對白