自早前傳出建仔立法會新界西候選人阿Ben陳恒鑌已被幕後操盤人放棄，集中票源力保另一候選人梁志祥嘅消息後，成個新界西即時震動，阿Ben尋日就拉埋同樣喺新界西參選嘅黨主席譚耀宗出嚟，證明冇被放棄，仍然得到支持。
阿Ben同譚Sir尋日扮廚師，企喺街邊炮製一味「三席入局湯」，寓意建仔新界西取得三席。阿Ben先將啲材料放晒入個煲，之後再用把貼上「鐵票」字樣嘅扇扮撥火，譚Sir見到，即刻話：「乜你有鐵票咁好嘅？」搞到佢勁尷尬，即時澄清要加埋「努力」先夠。
陳恒鑌（左）拉譚耀宗（右）落區宣傳，證冇被放棄。
