SUN微博：打橫嚟講：香港邊境特別自由出入區

香港愈來愈騎呢，愈來愈無大無細，愈來愈失控！

嗱！早兩日，那個甚麼中心「助理總研究主任」接受「訪問」，表示本港新界東北禁區，兩年內會劃出二千四百公頃土地，用五年時間打造成「邊境特區」，讓大陸人免簽證進出，並預料引來千萬人流，有利香港經濟咁話！

哼！真奇怪，這重大發展計劃，乜唔係應由香港特區政府代表揸莊處理o架咩？乜咁宏大的「玫瑰園方案」，竟毫無諮詢市民，或向立法會提案，就「秘密」進行緊嘅？

就算家吓只作放風睇民間反應，也該由發展局諸公出手，而非畀無名無分兼形象低落的街邊小攤檔派個下三流的路人甲出嚟獻世o架？

喂！大佬！家陣內地同胞來港吃喝玩樂揈錢救助香港經濟，自由方便到不得了，出入自如得如無掩雞籠啦！仲使乜「免簽證」咁「官式肯定」呢？好除褲放屁啫？

嗱！咪以為有人提出這反智的提議，好無謂及低能呀！那其實是件對香港十分不利的危險事情，若一旦讓內地人「無條件」進出香港，不特止將邊界模糊化，更正式宣布「香港地大陸化」也！

大陸人免簽證進出香港，即有居留權，咁往後的民生、福利、教育、醫療等問題隨之而來，點搞？

幸好的是，政務司司長林鄭月娥撲出來澄清那低級o架啦蘇並不代表香港政府，及反對如此做法。天佑香江！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：保釣男點睇蒼老師？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot