政壇：政商定格：萬寶寶鑽石耳環戴足十年
全國人大常委會前委員長萬里嘅孫女萬寶寶，○七年創立自家珠寶品牌，其全新系列更將於本月底進駐時尚名店連卡佛內發售，寶寶坦言期待已久。佢又話設計珠寶嘅靈感源於生活一部分，包括旅遊，最近一次就去咗布拉格，而佢本身個性細膩同情感豐富，不但有助佢嘅設計工作，亦令佢同男朋友嘅感情能夠保持甜蜜。
咁點樣將珠寶同時裝結合呢？佢就話：「首先要覺得舒服，不需要太辛苦去配搭。」而喺唔同嘅情況下，佢又會着唔同嘅服裝，唯獨唔鍾意着牛仔褲，因為怕束縛嘅感覺。佢心目中最珍貴嘅珠寶就係媽媽送嘅鑽石耳環，仲將佢戴喺耳骨位置：「我已經十年沒有除下來，有感情的東西就能打動我。」
萬寶寶話設計珠寶靈感嚟自生活。