自從前政務司司長「林D9」林瑞麟知所進退，決定離開官場去英國進修神學後，大家都估佢會輕鬆晒至啱，加上我哋日前又直擊佢同太太去西藏拉薩旅行吃喝玩樂，照計肥咗至係。但有市民日前喺英國駐港領事館見佢瘦咗好多，莫非冇咗官場應酬食少咗？當日有市民影佢相，佢都來者不拒，而且佢仲同普通市民一樣乖乖排隊攞簽證。其實林D9依家已經同平民無異，應該別無他法焗住排隊攞簽證喇。