政壇：陳力生碌齡輸波贏掌聲
恒生早前舉行咗一場近二百名同事及親友參與嘅保齡球賽，而零售銀行及財富管理業務主管Nixon陳力生，更夥拍香港保齡球男子代表隊成員麥卓賢落場，即席同家庭賽冠軍隊伍上演表演賽。
雖然最後輸咗場波，但就贏咗唔少掌聲，皆因Nixon專注打波時，真係好有魅力，可謂「有姿態、有實際」。
夥拍香港隊成員，Nixon比賽初段打咗幾局九分，本來一路領先，但家庭組冠軍隊兩父子落場，無論係實力、合拍度都好高。結果，家庭組冠軍隊喺最後兩局都打出全中，以四分之微勝出比賽。
其實，Nixon一隊嘅總分有成一百四十五分，以業餘參賽者嚟講，都算唔錯啦！雖然差幾分輸咗場波，但佢事後都覺得好滿意，仲話自己預早到場熱過身，贏輸唔係問題，最緊要開心！
陳力生夥拍香港保齡球男子代表隊成員麥卓賢落場，總分有一百四十五分，可謂「有姿態、有實際」。