SUN世代：半個上海人 愛親子自駕遊
文志峯與家人移居上海已三年，現變成半個上海人。他說，三名子女都在內地讀書，母語變成英文及普通話，而廣東話則不靈光：「大女喺升小學嗰年去內地讀書，一對孖仔就剛剛入幼稚園，佢哋讀國際學校，所以多數講英文，不過佢哋都識聽廣東話！」他自言非常重視親情，因此儘管工作多忙碌，也會抽時間安排家庭樂：「我有時會帶成家人自駕遊，去上海周邊嘅城市玩！」
公司晚宴金牌司儀
問到是否已與香港脫節，他即耍手擰頭說：「梗係唔會，我每日都好留意香港發生緊咩事！當你哋每日睇緊新聞嘅時候，我都睇緊o架，仲會上app睇片！」另外，他每年亦會擔任公司在港舉行的團年晚宴金牌司儀，表現更足以媲美電視台專業主持！
文志峯感謝太太與他一同移居上海，更給他空間發展事業。
「廿四孝爸爸」文志峯與女兒到遊樂園玩耍，同扮鬼臉。