SUN微博：叮噹誕生前100周年

十大港人至愛法寶

網民羅列十大至愛法寶，頭九件都同香港海域嘅魚一樣多膠。正如燈神畀三個願望你嘅時候，你應該要講「畀無限個願望我」一樣，所以呢，第一位嘅法寶，就梗係個百寶袋啦！

不過睇真啲，呢個滿身肌肉嘅多啦A貨，點解會此袋不同彼袋o架？叮你個噹噹！

神奇種票機

好多人當議員係份筍工，Hea做就算，就連廢柴到好似大雄咁都想做議員，你估係垃圾會四大懶蟲咩？好彩，大雄有部神奇種票機，一屋廿幾姓都冇問題啦！

不過，立法會選戰在即，Sun微博奉勸各位候選人唔好以身試法，種票可監禁三年罰廿萬o架！

振英A夢

話說一百年前……曾蔭權禍港，貪盡海陸空！無能管治下，香港樓價高企，民不聊生。喺未來嘅時空，身懷百寶嘅佢終於睇唔過眼，決意用時光機回到2012年當選特首，撥亂反正，打救香港人。

叮叮叮叮！佢就係「振英A夢」，咁就「人人期望可達到」啦！