新政府就任之後推咗唔少新猷，更因為要喺短時間做到嘢，特首梁振英一上場就宣布行政會議縮短暑假開多啲會、做多啲嘢，身兼行政會議成員嘅政界中人，今年夏天想去遠啲旅遊都難，好似大狀廖長城（Andrew），暑假就只係去咗一個東南亞旅遊點玩幾日，然後又即刻返香港搏殺，真係辛苦晒。
Andrew日前出席一個青年團體成立嘅活動，講到暑假去邊度玩？佢就透露，早排趁行會放假期間，同屋企人去咗東南亞叉電，雖然係個短途旅行，但睇佢精神奕奕，呢次叉電之旅嘅成效好好。