政壇：搞搞政：白鴿仔謀逐 佗衰家鐵頭仁
白鴿黨領導層年底就會換屆改選，正當外界以為黨主席鐵頭仁會坐多兩年之際，原來一班黨員正密謀踢走呢位醜聞纏身嘅黨主席，令鐵頭仁能否連任存在好大暗湧。
據聞有唔少黨員認為，應推選另一人代替鐵頭仁做主席，皆因鐵頭仁醜聞愈揭愈多，包括多年來隱瞞白鴿黨總部並非黨產，又漏報多間公司股份，更利用漏報公司買賣物業獲利，唔少黨員都擔心佢再連任黨主席嘅話，該黨形象只會愈來愈差。但邊個可以接任呢？有黨員就諗住以今屆選舉成績做評分，總之邊個得票率高，就邊個做主席。
不過，就算白鴿黨換新主席，都唔代表該黨黨員嘅醜聞可以當粉筆字咁抹晒，該黨好應該一次過清楚交代同解釋涉及嘅醜聞，或者係由執法部門介入調查，查個水落石出。超級區議會候選名單仲有劉江華、李慧琼、陳婉嫻、馮檢基、涂謹申同白韻琹。
設計圖片