政壇：鄭志剛邀師弟林書豪訪港
令萬千球迷瘋狂嘅美籍華裔NBA球星Jeremy林書豪，聽日抵港展開為期五日嘅香江之旅，今次係Jeremy一炮而紅後首次正式訪港。飲頭啖湯請佢來港嘅新世界發展執行董事兼聯席總經理Adrain鄭志剛透露，佢同Jeremy係哈佛大學嘅師兄弟，雖然素未謀面，但Jeremy名下基金亦好關注青少年，同佢集團嘅「飛躍新世界」計劃不謀而合，故邀請師弟來港出席周五嘅啟動儀式，兼與青少年對話。
Adrain話爸爸鄭家純主力關注社會扶貧，佢就特別關心基層兒童同青少年，希望免費招募基層小朋友，透過游泳同打籃球培養不屈不撓嘅精神，提高自信心。Adrain細個都係小飛魚，佢坦言當時曾經想放棄，但最後都堅持下去，最終取得全校總冠軍，所以佢都好明白體育精神十分可貴。
Adrain精神奕奕宣布青少年大計，右為林書豪訪港嘅宣傳海報。