SUN微博：打橫嚟講：保釣十四勇士口供曝光

香港保釣十四勇士，勇闖釣魚島，成功搶灘登陸，讓中國國旗飄揚島上，宣示主權。

倭寇孫子恬不知恥，硬拉鐵鎖，強行拖走十四勇士，返到差館，仲口口聲聲話佢哋「非法入境」，要「落叉廚」，縱使眾人大叫「釣魚島是咱們中國領土，你班日本鬼子快滾！」、「我哋去釣魚島唔使任何人批准！」、「你哋嘅指控，我哋一概不承認！」但日本仔不理會勇士們的強烈反應，更唔知喺邊度搵嚟一件只懂半鹹半淡普通話嘅路人甲權充翻譯落口供——

o架仔：「你叫甚麼名字？」勇士答（全程用廣東話）：「丟那媽！」o架仔：「奇怪，有人姓丟的嗎？」勇士當下O嘴。

o架仔：「你幾多歲？」勇士：「你十九啦！」o架仔：「好！十九歲！」勇士激到就快吐血，落足勁道大大聲聲爆出四個中文字，點知個o架仔懶叻咁話：「哦，呢句我明，你想掉我支筆吖嘛，你掉我支筆，我怎替你落口供呢？」

勇士繼續操流利古漢語問候。o架仔：「燒我數簿鞋？」勇士見那翻譯水準咁流，忍不住：「大佬！我頂你唔住嘞！唔該你放過我啦！」

o架仔：「不成的！你先要簽悔過書，才能放你回國！」勇士：「你仆X啦！」o架仔突然有所明白似的，但卻用英文回應：「NO！I am not a poor guy！I am E之班o架！」

勇士：「哎呀！我想死呀！大佬！」o架仔很緊張地說：「你不能死在這裏，否則，中日大戰馬上展開的！」

o架仔向上級匯報後，日方決定即時放人。十四勇士光榮返港！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

email：sunweibo@opg.com.hk

「就係敢爆」網址tv.on.cc/hot