政壇：政商定格：八二比例沖出鴛鴦王
《國際金茶王大賽2012》金鴛鴦大賽昨在香港會議展覽中心舉行，二十一名本地參賽者分三組比賽三小時後，冠軍由來自瑞華餐廳的鄺健昌奪得。入行二十四載嘅鄺健昌尋日分享沖「鴛鴦」心得，指「八成咖啡、二成奶茶」係最合適嘅比例，可以讓客人品嘗咖啡嘅香味同奶茶的回甘。佢話呢種「黃金比例」除來自平日不斷嘅嘗試外，全有賴顧客嘅意見。佢話：「要多聽客人畀你嘅意見，甚至行過去睇吓嗰客飲剩幾多，咪知你杯嘢好唔好飲囉。」
至於亞軍同季軍分別由何冠祖同黃德威奪得。何指沖鴛鴦嘅秘訣在於控制煮製時間，因咖啡同茶煮製過耐，就會有苦澀同草青味，過早就無法令材料溢出香味。
鄺健昌指一杯鴛鴦的好壞，除材料外最重要係客人是否欣賞。