政壇：何鍾泰唔選又選失樁腳
參選立法會工程界選舉嘅建制派候選人，助選團出現「跳船潮」。歷屆都協助現任議員何鍾泰出選嘅梁廣灝今次轉投做「梁營」代表WK盧偉國競選經理，但佢否認倒戈，強調只係要「為業界做事」，又意有所指咁話做乜嘢公務都有周期，夠鐘就要交棒。而被視為何鍾泰「徒弟」、今次亦跳船幫WK助選嘅嚴建平就話，回歸以來都好支持何，但何去屆角逐連任時曾明言係「最後一擊」，而今次再度出擊實有「誠信問題」喎！
除上述兩位仁兄一唱一和明諷暗寸何鍾泰唔肯退位外，WK尋日嘅誓師大會仲邀請詹伯樂等多位工程師學會前會長站台支持，睇嚟佢似乎已掌握一定票源。咁工程界候選人仲有黎廣德同陸宏廣。
詹伯樂（第二排左起）、梁廣灝同盧偉國出席誓師大會。