SUN微博：打橫嚟講：海豚衰貪玩，賺錢養粉皮

近期香港歪理橫行，愈荒謬的，講得愈大聲，不管人家點睇點諗，總之唔歪唔講，吹咩！

海洋公園頭目盛智文氣沖沖的走出嚟，反駁傳媒報道園內的海豚日夜加班，做到身心俱疲，好無人道，源自海洋公園「P時」強國旅客，賺佢哋人仔，盛頭目因被指摘而憤怒，及感被侮辱喎！

喂！你海洋公園「命令」海豚表演，由一日三場，變成六傷，加咗一倍工作量喎！咁點解釋先？哦！那條高級館長黃開明說，（日做夜做的）海豚看似係工作緊，其實佢哋係玩樂緊，不存在工作過長呢！即係話佢哋唔喺台前表演，喺後台都跳高打觔斗？咁咪好高興？呢條粉皮仲話如果啲海豚唔滿意，可以唔開工o格！哦！

我們經常聽到啲無良僱主講：「吓！你哋話我畀得人工低？福利差？你有權唔撈嗰喎！」人有腳、有尊嚴，若不是絕到無路行，仲可以有選擇，咪走咗去囉！海豚畀你哋捉咗，困住做生財搖錢樹，有得揀咩？有海豚專家話，海豚倒立，絕非自然行為啊！

喂！海洋公園飼養動物的原意，係保育o架！唔係你班粉腸所講，佢哋愛玩耍，係一種習性，畀多啲人睇，可以教育到人明白海洋生態呀！你哋咁偉大，何不唔收錢去服務人民呢？真廢話！

盛智文頭目怒言：「海洋公園宗旨保育和教育，而非牟利，如果我哋做壞事，遊客便不來了！」you see，幾狗噏呢？仲有，海豚生意中，有一項是做婚禮見證人的，死未？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot