政壇：政商定格：收市出世黃德几龍B識做
財經界龍B湧現，呢頭收到金利豐研究部執行董事Dickie黃德几報喜，囝囝出世喇；嗰頭就收到消息，法巴上市衍生產品部聯席董事Alison趙海珠有喜，趕上龍B尾班車。
Dickie尋日傍晚好開心咁話太太生咗龍B，母子平安，龍仔重八點五磅，有好深雙眼皮，一出世就好多頭髮，佢話最開心係一抱起囝囝就唔喊，而且係四點半港股收市後出世，冇阻住老竇睇市，認真叻仔兼乖仔。呢位新成員同佢家姐湊成一對好字，Dickie仲好鬼sweet，話一家四口個英文名一定要玩接龍，字尾要接字頭，Dickie接太太Eva接囡囡Aika，即係囝囝個名會係A字頭。
黃德几尋日好開心咁話太太生咗龍Ｂ，母子平安。