誰明老師心：潮Look老師學生Like爆

「唔好着得太潮啦，榜樣唔太好，你都係唔好着窄腳褲喇……」有一天Miss Choi語重心長地勸誡我：「樸素啲好。」頭頂上立時充滿問號。為何「着得太潮＝唔好榜樣」？有學生因為我的衣着而犯規多了嗎？

為了不用把上班衣服從頭再買一遍，我很認真地想想「校服儀容——老師——榜樣」三者的關係。「整潔儀容＝乖學生」，這印象太根深柢固了。其實要學生儀容整潔，除了給人「乖學生」的印象外，更重要是顯示學生有能力自制，並願意遵守規範，尊重他人。透過校規教導學生尊重別人的價值觀，才是這個「榜樣」的核心。然而，衣着老土令學生覺得老師不了解他們，一樣難以向他們說理。

反正目的都是想教好學生，對着以「我大聲唔代表我冇禮貌」為宗旨的怪獸，何不改變遊戲方法：校規不能改，由老師改變，着潮一點無傷大雅吧？「教書點可以咁悶？梗係要着得型啲先好玩o架啦！啲學生都鍾意聽你講多啲！」敝校的「潮流達人」劉Sir笑道。對嘛，誰說老師一定要穿恤衫西褲套裝裙？