SUN世代：天生樂觀愛笑 母親無限支持

在張菁雅的母親眼中，女兒是一隻「喜鵲」。「喺外國時，就算病咗佢都唔會同我講，佢話我唔係醫生，講咗都無用！佢就係咁，總係報喜不報憂。」擁有小酒窩的張菁雅，訪問時總是「笑唔停」。「由細到大，佢都好鍾意笑。好多人都話覺得佢要一邊讀書，一邊練舞好辛苦，只有佢自己唔覺得，好在佢天生樂觀，否則真係幾難捱。」

寫下人生格言自我激勵

兩年前，張菁雅隻身赴俄拜師學藝，母親只能陪伴四日。十六歲的女孩，要獨自面對語言和文化差異，最終「咬緊牙關」完成首兩年的舞蹈課程，還練得一口流利俄文。除了性格樂天，她還有一個自我激勵「秘方」。「佢有個文件檔，用嚟寫低人生格言，唔開心時就會拎出嚟睇，用嚟鼓勵自己。」望着眼前翩翩起舞的女兒，這位對芭蕾一竅不通的母親，以說話來表達無限支持，「只要佢有一隻獨舞表演，就算係天涯海角，我都會飛去捧場。」