SUN微博：打橫嚟講：鬼祟禿鷹恰細路

一班香港中學生組織的「學民思潮」，連日在各區擺街站，宣傳「反國民教育科」，蒐集支持者簽名，遭警方「鬼祟」干擾，派警員逐檔抄低負責學生的身份證資料、成員地址和電話號碼等私隱資料。

前文說警方「鬼祟」？但卻見「軍裝」着住制服蒲頭做嘢個喎！光明正大啫！哦！係咁嘅：

前線警員確實有着「制服」執行工作，不過，佢哋阿頭的背後動機，卻十分拙劣。

香港人權監察發出聲明，指人數不足五十的集會，是毋須事前通知警方的，而警方今次「掃場」理由，按警察公共關係科解釋，話「接獲市民投訴有關團體使用揚聲器造成噪音」喎！咁就好笑啦！我可親自做證的，是星期二黃昏，我經過旺角西洋菜街，目擊有四、五個軍裝圍着「學民」的小攤檔「攞料」，學生仔只在派傳單和呼籲途人簽名，他們發出的「噪音」，就是靠自己的喉嚨叫喊，而小攤檔四周的電訊商、放數貸款集團及每日擺檔賣唱搵錢的「歌舞團」所用的專業音響咪仲大聲，何解無人投訴？係唔係無人投訴，你班差佬就唔做嘢先？嗱！我即在此投訴囉！第二，點解又咁啱得咁蹺，班小朋友分散咁多區嘅檔口，同時咁多投訴？第三，除咗軍裝外，仲有差佬「扮便裝」話幫「學民」，被踢爆後，才認係警員做嘢，鬼唔鬼祟啲呀？

警察執法應光明磊落的，如身有屎，則例外。

鬼鬼祟祟的製造白色恐怖，才是最卑鄙的小人行為呀！死禿鷹！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：倫奧精彩回帶

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot