政壇：政商定格：馬術英雌出書教拼音
馬術港隊中，有位能武能文嘅運動員Cecilia陳浩明，佢獲得嘅騎術獎牌多達四十個，近日更出書教自然拼音（Phonics)。喺剛結束嘅書展入面，開壇教英文。佢話要細路鍾意英文，第一步係令佢哋同老師打成一片。
人稱Miss Chan嘅Cecilia係港產英文老師，教過嘅名校多達三十間。回歸後港人英文水平差咗，佢都有同感。佢認為掌握拼音技巧猶如打好基本功，哪怕係拎起厚厚嘅字典，都可以朗朗上口，就好似學普通話時唸好b、p、m、f一樣重要。教英文，佢鬼主意多多，為教學生一篇講述馬匹的文學作品，佢曾親自帶四十個小學生上一堂騎馬課。
陳浩明愛征服跳欄嘅樂趣，每周仍堅持苦練馬術。（被訪者提供）
陳浩明（前）拒絕做麻辣教師，經常同學生打成一片。