香港音樂人協會及昇望娛樂最近攜手舉辦比賽，鍾意唱歌嘅年輕人可以一展歌喉實現夢想之餘，仲可以將報名費一百元捐畀博愛醫院。參賽者可自錄靚聲放上網，參賽者複賽先至要現身香港，所以唔受地域限制。咁有諗頭嘅籌款活動，博愛總理兼昇望娛樂行政總裁李培嘅功勞唔少，出錢合辦嘅朱華樹總理就呼籲，對樂壇有憧憬嘅年輕人要把握機會。一眾博愛董事局成員日前現身「飛躍音樂傳博愛（省港澳）歌唱大賽」啟動禮，主席潘德明話，北望神州，如果有一萬人報名，善款就過百萬元喇。
博愛總理李培（左起）、朱華樹、主席潘德明、葉思俊同曾裕總理都對今次比賽寄予厚望。
