SUN微博：打橫嚟講：攞條命較飛喎！

沙田威爾斯醫院又發生醫療事故，我用個「又」字，源自此院「經常」又「經常」出事。大佬！醫院用嚟救命o架！你哋成春日賴嘢，要病人承受你們失誤造成的「惡果」，點Q搞呀！

今單據報係有一名實習醫生和一名駐院醫生，先後替四名產婦縫合會陰傷口時，遺留紗布在產婦產道（體內），到她們出院後近兩個月，見陰道分泌異常，兼有惡臭，往醫院救診，始發現事故。

問題之大，在於其中三名受害產婦，是同一名實習醫生「經手」的，而那實習生卻已「正常地」pass咗，去咗另一間醫院當「正式」註冊醫生了！真係好得人驚啫！

嗱！我哋希望了解這些事故，是人為吖？定係院方機制問題？人為者，即那實習生無責任、不專業或沒跟指引程序做到最好！咁樣院方必須公布此君下落及話畀人知，佢係邊位，大家有權唔畀佢「較飛」都得啩！仲有，佢應否要「重考」個醫生牌呢？揸車扣滿十五分都要停牌和再考啦！輕罪的！也須上番兩堂啦！佢老哥咁流，點叫人畀條命佢救呀？

如果唔係呢條流口水實習生嘅事，咁就係醫院管理嘅事咯！係唔係工作太多太密？內地大肚婆湧至，搞到產房人手不足，醫生仔做到連飯都無得食呢？又或是工序指引不夠完善？

追究責任是為了市民和院方都好，起碼讓大家又一次(目及)實失敗的人去改善自己的失誤，命嚟o架喎！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

就係咁爆：倫奧精彩回帶

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot