SUN微博：Sun畸事：向西村很黃很暴力

向西村發生爆力拆遷事件，約三百大漢夜襲拒遷商戶，見人就打，當局遲到兩個鐘先到，保護不力，商戶惟有買定汽油、棺材，揚言要與拆遷者一鑊熟，大批人員即時到場看守，嚴陣以待……

向西村民︰無天理啊！我哋呢啲良好市民，畀人騷擾都冇人理。

共安︰我哋已經即刻趕嚟，唔理你信唔信，反正我信了。

向西村民︰咦，你咁面善嘅，把聲仲熟熟哋……哦，你咁似琴晚打我嗰條友嘅！

共安︰唔……係……a邊到係……

向西村民︰喂，做咩口窒窒兼標冷汗？

共安︰冇……冇，好啦，返屋企啦，唔係就犯顛覆政權罪啦！

向西村民︰唔走，誓死保衞家園！

共安︰最衰都係嗰個向西村上咩樹啦，寫咗本唔知咩書。領盜話要將條村變成真正嘅「向西村」，話可以吸引啲港人「一路向西」，搞到我哋要漏夜做嘢，依家仲要追埋更添！

（花生友如有對號入座，請食自己）