政壇：政商定格：音樂神童陳美變冬奧選手
早幾日歐米茄喺倫敦OMEGA House邀得世界知名音樂家、有望喺冬季奧運奪標嘅陳美 （Vanessa-Mae）加入品牌名人大使行列。
將代表泰國出戰冬季奧運會競逐高山滑雪獎牌嘅陳美同大家分享呢份喜悅，話：「我感到十分榮幸及高興自己的創見、正直和勇於挑戰的心獲得品牌賞識。」
陳美係音樂神童，甫出道就聲名大噪，十三歲已經到世界巡迴演奏，灌錄咗三張經典專輯，其後單人匹馬發起Classical Crossover音樂，以天不怕地不怕嘅火熱形象紅透樂壇。近年佢決心追求第二事業，由音樂家搖身一變成為運動員，實在係多才多藝嘅最佳寫照。
歐米茄總裁歐科華（左）讚賞陳美多才多藝，兼且有冒險精神。