政壇：政商定格：陳李妮遊美嘗米芝蓮樹葉
咁啱老公上個月中去美國加州開會，博愛醫院副主席Lily陳李妮做跟得夫人，仲享受咗個長達三星期嘅悠長假期，足迹遍布加州各地，嘗美酒、啖海鮮，玩到樂不思蜀。Lily好注重食療養生，呢次仲帶埋大量湯料飄洋過海，包括沙參、玉竹同花旗參等清熱滋陰湯水，結果去程行李篋已有四個咁多。
去美國又點可以錯過由全美最佳廚師主理嘅米芝蓮法國餐廳French Laundry？Lily盛裝同老公享受浪漫燭光晚餐，點九道菜配搭九款酒，印象最深刻係頭盤「Oyster Leaf」（蠔汁葉子），蠔殼盛載住嘅竟然係兩片已煮熟嘅樹葉，但充滿蠔味，認真搞鬼。Lily急不及待影相與朋友分享，雖然唔知葉片係乜嘢植物，但佢話拌住蠔汁一齊食幾鮮甜喎！
陳李妮含住葉片，表情趣怪。（受訪者提供）
製作認真嘅Oyster Leaf，食得夠晒奄尖。