香港菁英會尋晚舉行第五屆就職禮，城中富二代雲集。香江國際集團主席楊孫西公子楊華勇雙喜臨門，除登上主席寶座外，仲宣布「造人」成功。新婚太太莊菲娜有喜，明年一月生，但未知仔定女，佢恨做爸爸恨到發燒話：「我好努力（造人）o架！」。
值得高興嘅仲有一單，剛卸任主席嘅洪為民日前做完割除聲帶息肉手術後，一度只得「蚊螆聲」，但尋日上台致辭一刻已聲如洪鐘。
楊華勇（中）榮升主席，梁宏正（左一）、施榮忻（左二）、洪為民（右二）同白富鴻（右一）承諾撐到底。（徐家浩攝）
