箍煲摸門釘嬲爆 壽星中女玩企跳

情傷壽星女險生日變死忌！一名癡情女子疑與男友情變，昨日四十歲生日，她不堪要孤單度過，借酒澆愁再經悉心打扮，凌晨前往中環半山男友寓所圖箍煲，希望共度溫馨生辰，豈料摸門釘及未能聯絡男友，她情緒激動直奔上天台，並自行報警嗌跳樓，警員趕至將她勸服，不致釀成悲劇。

企圖跳樓殉情女子姓鄭，昨日剛為其四十歲生日，其男友姓周，他居於列堤頓道四十三號一單位。據悉，鄭女早前與男友因感情問題爭執後，雙方陷入冷戰，鄭女為此情緒低落，前晚眼見生日在即，原以為男友會主動和好，但一等再等，男方也對她不聞不問，毫無表示。鄭女借酒澆愁後，愈想愈不甘心。

情緒失控 醉罵警員

昨凌晨三時許，鄭薄施脂粉，穿連身短裙到男友寓所箍煲，豈料男友不在，多次致電男友亦無人接聽，遂衝上大廈天台危站，報警要跳樓。

警方接報趕至，在天台梯間尋獲鄭女，當時鄭女仍情緒激動，警員召救護車將她送院，惟鄭女抵院不足一分鐘，突走出急症室向警員破口大罵：「我出嚟食支煙，抖吓氣啫，我都有人權嘅……嗰個便衣（警員）又話同我傾偈，點知呃我上車嚟醫院……我今日（昨日）生日，同男朋友嗌咗交……」警方在旁好言安慰，鄭女才平復入院。