無水沖廁街坊死「忍」

【本報訊】「最大問題係沖廁！」五幢斷水大廈由於無鹹水設施供應，沖廁一直以來用食水，今次在酷熱天氣下「制水」，住客除要撲水應付日常需要外，亦要搵水沖廁，以免全屋臭氣熏天。住客更要想盡辦法慳水，有人當街沖涼，亦有人盡量少飲水，減少去廁所。

姓謝女居民稱，她與胞姊及父母同住，因父母年紀老邁，取水「重任」落在姊妹身上。她稱家人均需大小便，無水沖廁會引起衞生問題，「最大問題係沖廁！依家我哋盡量唔去咁多廁所啦！」另有黃姓女住客指如廁最不方便，「沖涼都話可以去體育館！依家拎水都係用嚟沖廁為主」。

許太為慳水將碗碟拿往街喉清洗，又忙於為家人取水沖涼，「一日起碼走成三十轉呀！拎水拎到腰骨都痛呀！」住客黃先生更帶同兩名兒子往街喉沖涼，他不滿稱：「依家連食飯都焗住要出街啦！」隨同外傭到街喉輪水的黃姓小妹妹，希望盡快恢復供水，她語帶埋怨表示：「好重呀！點解飲水都咁辛苦o架！」