SUN熱辣：輸入個人資料扮自用

水貨兵團走蘋果電腦產品，為減低被內地關員扣留貨品風險，除每次僅走一至兩部，以輕便方式運往內地博關員未能察覺外，亦有兵團將產品拆盒，再於蘋果電腦產品輸入個人資料，然後放進背囊闖關，就算被關員截查，亦可訛稱是自用。不過，內地去年五月已實施三次帶貨被截獲，即會遭檢控的措施，若被發現走私大量徵稅貨品，可被判入獄三年，甚至死刑。

「一部iPad體積等如四部iPhone，一部MacBook Air就等於十部，唔走iPhone而走啲大件嘢都係因為錢。」九十後水貨成員阿發稱，為免被截查，水貨客一般只會走一至兩部iPhone，但因為太多水貨客競爭，所以每部僅賺數十元，但走iPad或MacBook Air，走一部便有二至四百元，「橫掂都係走，走一轉好過走四轉啦！」

為避免被內地關員截查，水貨兵團更會將產品拆盒，每次只走主機，電腦配件例如電線或保養書，及包裝盒等則留起，然後再將配件及包裝盒一次過運返內地，「就算被關員截查，我拎部電腦返大陸自用唔得o架？我哋事前仲會輸入個人資料，到時可以開機畀佢睇係自己用，唔係拎去賣，關員多會放行。」

不過，一名內地律師表示，攜帶高科技產品到內地，又未能證實是自用，即屬違法；首二次被內地海關發現，若數目不多，但沒有合理解釋，則會被判罰款或沒收貨品，第三次會被拘捕。