SUN世代：廿四孝爹哋萬事足
經常有人問陳國良：「有四個仔女咁多，第四個係咪仔嚟o架？」他笑言，「好多人以為我為咗追個仔至生咁多個，其實我同太太都好鍾意小朋友，一早計劃好生四個，哈哈﹗」陳國良看似嚴父，其實是慈父一名，最愛跟子女玩耍。他坦言子女是他的減壓良方，「只要見到佢哋，咩辛苦都會唔記得。」
訪問當天，正放暑假的十歲大仔也在公司「幫手」，看來遺傳了父親喜愛電子產品的基因。「佢成日叫我教佢砌機，放假就嚟公司包吓貨、對吓數，有時仲會去電腦節幫手。」除了四名子女，他還有一名「賢內助」，陳太對這名「廿四孝爹哋」兼「好老公」讚不絕口。「佢份人好節儉，有時返工寧願坐地鐵都唔揸車，啲仔女都受佢影響，依家去超級市場買嘢寧願買少啲嘢，都唔會畀五毫子買膠袋。」
陳國良擁有幸福「大家庭」，六口子經常結伴遊玩。（受訪者提供）
陳國良的四名子女都充滿音樂細胞，長女（左一）學大提琴，兒子（右二）學小提琴。