SUN世代：退役划艇手商界破浪

曾經，划艇隊運動員陳國良坐着划船，拚盡全力出戰多個國際大賽，划出精彩的體育生涯。但一天，划船突然改變航道，不再向前。他放下單槳，轉個急彎，成為多個電腦產品的香港代理。縱然目的地改變，但他認為只要肯拚搏，總能乘風破浪，順利到達終點。

「我一米八三，真係有六呎高o架！」從外到內，都是天生運動員的料子。二十多年前，他在沙田區讀書，每天上學均經過城門河，不時看到有人划艇，「覺得幾好玩，就報咗興趣班。」兩個月暑期班，他認真練習，結果獲選入港隊。

捱得苦的性格，令他克服艱苦訓練。「要兼顧讀書、受訓，同做兼職，真係『非人』生活。」九四年專上學院畢業後，陳國良開始全職運動員生涯。「好多人問我做運動員搵唔搵到食？講真，獎牌、獎金咩都無，得二千蚊車船津貼。但嗰陣無諗太多，淨係覺得人生難得有呢個機會，要珍惜。」

先天條件加上後天努力，陳國良很快在體壇大放異彩。九四年，他代表港隊參加日本廣島亞運，翌年更參加亞洲錦標賽。身處高峰，此刻他卻決意退下火線，轉戰商界。對於退役的決定，他只淡淡然說：「香港划艇隊喺亞洲已屬高水平，喺體育界發展始終有限，而做運動員最寶貴係不斷挑戰自己，尋求突破。」

遇強愈強 研發自家品牌

突然逆風轉航，必須付出更大努力。陳國良曾修讀電腦課程，離開體壇後，在科技公司任職軟件程式開發員，後來開設電腦訓練中心，直至○一年，他創業做電腦代理。○四年，他看中一個著名台灣電腦產品品牌，有意爭取其代理權，卻遭身邊好友潑冷水。「嗰時全公司得三個人，人人叫我唔好發夢。但邊有人一開始就係最叻？」他親身飛往台灣總部碰運氣，最終以誠意打動對方，成功取得代理權。

但大海總會翻起風浪。兩年前，台灣公司將代理權分給多間香港公司，面對突如其來的競爭者，陳國強反而遇強愈強，擴大公司規模，並研發自家品牌，化危為機。「運動員經驗對我影響好大。每場比賽都一定有對手，重點唔係羨慕人哋有幾勁，而係自己有無盡力去做。」在陳國良辦公室的牆上，掛着一幅印有「搏」字的字畫，正是他的人生寫照。