SUN微博：打橫嚟講：三煞位

我唔知發展局有乜工作範圍，要做啲乜，只知，由七月一日至今，呢個局唔慌會有任何功績（除咗鑊氣四散之外），即使打十號風球，吹斷百年古樹，都係由政務司司長降Grade代職處理，看來，此局可有可無！反正，全球俱看到該局局長之位，乃三煞當黑的劏豬櫈，邊個上，邊個死！大凶也！

新發展局局長上任一星期多以來，每日工作，唔係潛藏閃避記者追問有關出租非法劏房之事，就係全天候度計回應和卸責其涉及誠信問題，佢每月二十八萬多，現今即袋咗十皮幾，除咗為香港政府添煩添亂外，又為香港做過啲乜呢？請問！

依家做官嘅，可以乜都唔識，最重要就係家有賢妻，一有事，推晒落老婆度，又說老婆全不知情，後來，又話租約訂明不許經營劏房，點知，被踢爆那些樓宇買賣合約上清清楚楚寫着有劏房的存在，再三證明係一個大話冚一個大話，仲唔認錯？咁冇誠信，點做落去呀！大官爺！唉！當年（1994年），月租三千五，至兩年前，乃月收四千，咁都得？

嗱！唔只我哋小市民唔信，即使係同僚高永文和張炳良兩局長都出聲要求講真相呀！連梁振英特首亦轉口風，話不得再偏聽（你所言呀！）唔該一五一十同市民交代清清楚楚，咪連累老頂好唔好？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實夕陽政府

就係敢爆：奧運靚仔靚女逐個數

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot