SUN微博：Sun畸事：香港多膠魚
多膠魚：％＄＃＊＆＄（＆＄！＊＃＊！）
多春魚：嘩，多膠魚，你做乜膠嘢成嘴膠，鬼食泥咁呀？
多膠魚：我肚裏面啲膠多到可以填海，真係派膠斷流呀！
多春魚：使唔使搵人幫你清理吓啲膠呀，你個樣好辛苦咁喎～
多膠魚：唔好啦，局長話幫手執膠就會阻住海龜生蛋喎～
多春魚：咁我哋點算？我咁樣食膠法遲吓都變多膠魚啦！
多膠魚：咁又唔會～漁護署話咗膠粒冇害，最多對健康構成影響啫。
多春魚：咁同央視主播話「有害氣體不會傷害環境和人員」有咩分別？
多膠魚：唔同～今次係「無害膠粒或會傷害人員和健康」嘛～
多春魚：希望正苦拿嗱嗱林執膠，唔好等人踢爆先「做實事」啦。
（花生友如有對號入座，請食自己）
